حسنى مبارك 2500..صورة من المستقبل

رسالة لكل الكدابين اللى قالوا والعياذ بالله ان الريس تعبان وعيان وبيموت

انتو وحشين خالص و ربنا هيعذبكم فى النار و يحرقكم فيها لأنكو كدبتوا

وطلعتوا اشاعات وحشة على الريس

أنا عارف ان انتوا عايزين تخربوها وتقعدوا على تلها ....يا ظلمة

واللى مجننى انتو جيبتوا الكلام الوحش ده منين ؟

أكيد على المصطبة ساعة العصارى وطبعا الكلام يحلى وكل واحد يحكيله

حدوتة يسلى بيها القاعدة قبل ما يخش يقيله حبة

بس مش مهم أهو ربنا خلصه منكم وانكشفتوا واتسجنتوا ..أحسن ..

عشان تحرموا تعملوا كدة تانى ..يا وحشين !!

و على فكرة انتوا مش كدابين وبس ..ده انتوا كمان مش مؤدبين خالص

انتوا ماعندكوش باباهات ولا ايه؟

حد يقدر يقول على باباه كده؟؟؟؟؟

عارف انكوا هتدافعوا عن نفسكوا وتقولولى مكناش نعرف..جتكوا ستين خيبة

بقى فيه حد فى الدنيا كلها ميعرفش؟؟

ده العيل الصغير بينزل من بطن أمه وهو عارف ان الريس ما بيتعبش وما بيعياش

وما بيموتش كمان... انتوا أكيد بتستعبطوا وسايقين الهبل على الشيطنة.

ده انتو خبثاء جدا لدرجة ان انتوا شككتونى فى معلوماتى ..و اضطريت

أسرق آلة الزمن بتاعت بابا اللى شايلها فى البدروم بقاله سنين و مانعنا اننا

نقربلها عشان خايف علينا من المستقبل أحسن نروح ونتصدم ولا نتعقد ولا حاجة.

بس أنا جازفت و ركبتها ورحت طالع بيها على سنة 2030 لاقيت الريس زى ماهو

ماتغيرش خالص,, قلت أروح بعيد شوية, سنة2050 ..برضه هو هو

سنة 2100 ................نفس الحكاية

سنة2200.............موجود وزى الفل

سنة 2300..................تمام يا ريس

لحد ما وصلت سنة 2500وببص على البنزين لاقيته قرب يخلص قلت لازم أروح أحسن تبقى حوسة

بس أتأكد الأول الريس موجود ولا لأ.. لمحت راجل كبير قاعد على الرصيف جنب محطة مصر بيبيع

( لاب توب ) .. ناديت عليه .. ياعم يا بتاع الاب توب .. قاللى أيوه يابنى أى خدمة؟؟؟

قلت له عايز أسأل بس .. هو الريس حسنى لسه عايش ولا....

قاللى بس ماتكملش وتف من بقك و بطلوا اشاعات بقى الراجل عايش وصحته عال العال

وكان لازم أجيب معايا اثبات طبعا عشان ما حدش يكدبنى و أعمل زى اخواننا دول و أروح

فى سين وجيم ... رحت نازل شارى جرنال الأخبار و قلبت فيه لحد ما لقيت صورة الريس

قصيتها وجيبتها معايا ورميت الجرنال أحسن بابا يقفشه معايا تبقى مصيبة

@@@@

@@@

@@

@

صورة الرئيس حسنى مبارك سنة2500م

صورة من المستقبل

هو صحيح كبر شوية بس صحته بمب وهيفضل موجود ويحكمكوا يا وحشين

باى باى

قصة حياة أحمد عز (فيديو)

لكل من لا يعرف أحمد عز: هو الرجل الحديدى بمعنى الكلمة و متهيألى كدة انه بيفطر ويتغدى ويتعشى حديد
وهوأعلى مثل لزواج المال بالسلطة و كان الشهود الفساد والرشوة والمأذون كان كفيف وأطرش وأخرس
أسيبكو بقى تشوفوا الفيديو

الراجل دة هو أكبر أمثلة الفساد والاحتكار والتوحش الرأسمالى الذى وصلت اليه مصر بفضل الحكومة الرشيدة و رئيسها المبجل و حكومة البزنس وبيع البلد للى يسوى واللى مايسواش واللى معاه فلوس يشيل

خلاص مصر خلصت.... بححححح

حلم كل المصريين... حلم العمر(فيديو)

حلم بسيط مش بحر غويط

ولاهى حسبة ولا لخبيط

دى حكاية سهلة وبسيطة

مش عايزة زفة ولا تنطيط

.....

لو ليك حق قول عايزه

ما تخافش غير من الخالق

بصوت عالى قول حقى

من غير ما تكسر ولا تتخانق

.....

ما تقفش ساكت وتقول آكل عيش

بعد شوية مفيش العيش

و اوعى تحط فى بالك يوم

ان سكوتك يأكل عيش

وعجبى

........................

هو لسة فيه عيش فى مصر؟

حد يرد علية,,,, أصل أنا ما اشتريتش عيش بقالى كتير

........................................................................................................................................

تنازلات حسنى مبارك ... لا و لن تنتهى

تنازلاته الكثيرة لا تعد ولا تحصى و قد فاقت ديكتاتوريته بمراحل عديدة و لا أعرف كيف سيلاقى ربه بما يرتكب من جرائم يندى لها الجبين سواءا فى حق شعبه أو فى حق الأمة الاسلامية بأسرها

تعددت وتنوعت تنازلاته للجانبين الاسرائيلى والأمريكى و اتجهت اتجاها تصاعديا فى الفترة الأخيرة و برزت بشدة أواخر العام الماضى و أوائل العام الحالى2008 وبدت واضحة للعيان وكأنه بات مطمئنا للبقاء و متحديا لارادة الشعب الراغب بشدة فى التغيير لا لشئ سوى أن حسنى مبارك وحاشيته أصبحوا رموزا كبرى للفساد فى شتى المجالات ولا يألون جهدا فى زيادة معاناة الشعب و افقاره يوما بعد يوم.

وأعتقد أن كلمة تنازلات لا تعبر عن الحجم الحقيقى لممارسات هذا الشخص الذى فاق طغيانه طغيان فرعون , بل ان هذه التنازلات و بلا أدنى شك تندرج تحت بند الخيانة العظمى التى تستوجب محاكمته والتنكيل به ليكون عبرة لمن يعتبر.

و سأبدأ فى سرد هذه الخيانات المتتالية و المتعددة على سبيل المثال لا الحصر.

دعونا نبدأ من قضايا نواب القروض وكم من المليارات تم تهريبها للخارج بتواطؤ من فرد فى حكومته أو بتسهيلات من رؤساء البنوك ثم بعد ذلك تسهيلات الهرب لهؤلاء المختلسين والتقاعس عن الامساك بهم لانهم مسنودين بلا شك أو لأن الامساك بهم سيفضح الكثيرين من أعوانه وهم بلا شك من الكبار من حاشية الفاسد, ولم نسمع أبدا عن هارب بقروض البنوك تم القبض عليه فى بلد ما فقط نسمع بهروبهم الذى تعجز أمامه كل أجهزة الدولة الأمنية بما فيها جهازها الأعظم (أمن الدولة) الذى لا يألو جهدا فى الاعتقالات وقمع المواطنين المحتجين على حال البلد الأسود.

ومبارك بكامل ارادتة ترك لهؤلاء المائدة العامرة ينهبون منها كما يشاءون ظنا منه أنهم سنده فى انتخاباته المزورة و فى توريثه الحكم لابنه.

ثم قضية المبيدات المسرطنة والتى حوكم فيها ذيل الأفعى وترك الرأس والجسد يسعى و يعثو فى الأرض فسادا , هذه القضية التى لا تخفى على الجميع والتى كان من الواجب أن يحاكم فيها حسنى مبارك بشخصه ولا أحد غيره , لأنه بالعقل ليس من الممكن أن تتم مثل هذه الصفقات المشبوهة ومع عدو مصر الأول (اسرائيل ) دون علم ورضا و موافقة مبارك و الا لماذا ترك كلبه وكلب أسرائيل( يوسف والى ) دون أدنى مساءلة و اكتفى فقط بتغيير منصبه وتعيينه فى مجلس الشورى , هذا لأن والى لا يمكن أن يحاكم وكذلك حسنى فالحاشية الملكية فوق القانون .

ثم تأتى قضية عبارة السلام ومالكها الهارب (ممدوح اسماعيل ) ليتجلى للجميع أن أرواح المصريين لا تساوى شيئا عند مبارك و زبانيته وكلاب القصر, وليضرب لنا أروع الأمثلة والدروس فى التفريط فى الدم المصرى بمنتهى السهولة.

هذا ما يفعله حسنى مبارك حماية أباطرة المال فى الداخل والخارج ظنا منه بأنهم سيؤمنون له الحماية والدعم مستقبلا ليورث ابنه الحكم بمنتهى السهولة حتى لو فرط فى دم الشعب المسكين .

و لدينا أيضا الطامة الكبرى والجرم الأعظم من تصدير الغاز المصرى ( لاسرائيل ) بما لا يتعدى 1/6 من السعر العالمى للغاز و كأن خيرات مصر هى من أملاكه أو عزبته الخاصة يرتع ويتصرف فيها كما يشاء , يحابى اسرائيل و يداعب أمريكا و يقتل الشعب المصرى و يشدد الحصار على الفلسطينين و يقوى شوكة العدو ولم يكتفى بذلك بل انه حاليا يستعين بقوات أمريكية لتدريب القوات المصرية على اكتشاف الأنفاق الموصلة الى قطاع غزة من الجانب المصرى , أنا لست ضد تأمين الحدود المصرية و الحفاظ على سلامتها ووحدة أراضيها ولكنى ضد الاستهزاء بمشاعر المصريين و المسلمين بمثل هذا العمل وعدم أخذها فى الاعتبار , وضد سياسة الكيل بمكيالين و التعامل مع اسرائيل على انها الصديق والفلسطينين هم العدو وقلب ميزان العدل والتعامل على الطريقة الأمريكية , ثم أين كان حسنى مبارك عندما تم اعادة بيع طابا التى استعدناها بشق الانفس للاسرائيلين و بنفس الطريقة الملتوية التى اتبعتها الحكومة لتصدير الغاز لاسرائيل

ننتظر منك المزيد يا مبارك

تحذير هام لمرضى السكر و راغبى الرشاقة

بسم الله الرحمن الرحيم

مما لا شك فيه أن أول ما يفكر به مريض السكر أوأصحاب الوزن الزائد أو الراغبين فى الرشاقة هو تقليل استهلاكهم من السكريات بأى شكل من الاشكال و بالتأكيد ينصحهم بذلك الكثيرمن الأطباء ان لم يكن كلهم

وربما يقوم المريض من تلقاء نفسه أو بنصيحة طبيبه المعالج بتناول ال ASPARTAM

وهو الاسم العلمى لأى منتج من منتجات سكر الريجيم المعروفة والمتداولة بالأسواق

مثل : دايت سويت , كاندريل ,... وغيرها الكثير.

كما أن هذه المادة موجودة فى كل المشروبات المكتوب عليها ( دايت , أو خالى من السكر).و ربما يؤكد الكثيرون أن هذه المادة آمنة بنسبة 100% وربما يقسمون على ذلك, و يأكدونه كما تقسم عليه منظمة الصحة والأغذية العالمية

وهذا للأسف الشديد مغالطة واضحة وصريحةبل ومنافية تماما لأخلاق المهنة السامية وأهدافها والتى بدأت فى الوقت الراهن يتدخل فيها البيزنس ومصالح شركات الانتاج العالمية

تكمن مصيبة التسمم بال Aspartam فى عدة أشياء أهمها أنه نسبة100% من الأطباء يعجزون عن تشخيصه أو تحديد

اذا ما كان سببا فى الأعراض من عدمه .ثانيا حدة الأعراض التى قد تظهر فجأة متتالية أو مجتمعة والتى قد تصل الى حد الوفاة . وقد تم بعد دراسات مطولة حصر هذه الأعراض فى 92 عرض جانبى لن يتسنى لى الوقت لسردها جميعا ولكن سأقوم بذكر ما تسعفنى به ذاكرتى:

1-تنميل بأطراف اليدين والقدمين نتيجه الالتهاب الحاد بالأعصاب

2-تصلب فى الشرايين والأوردة و زيادة أحتمالية حدوث الجلطة الدموية

3-زيادة التعظم بمفصل الكوع يؤدى الى التصاق عظام الكوع والتيبس

وعدم القدرة على تحريكه

4- تعب مستمر وارهاق بدنى و ذهنى

5-أرق متواصل و صعوبة فى النوم

6- فقدان الذاكرة

7- اكتئاب و انطواء و أعراض لأمراض نفسية

8- بقع سوداء ووميض بالعينين كافى لاخلال التوازن و السقوط

9- مشاكل متعددة بالرؤية قد تصل الى فقدان البصر

10- ظهور فقاعات مائية أسفل القدم مما يجعل المشى مستحيلا

11- طنين بالأذن ودوار

12- التعجيل و زيادة نسبة الاصابة بسرطان البروستاتا لدى الرجال فى

سن مبكرة عند40 سنة و المفترض انها تظهر بعد الستين

رسالتى الى كل من يقرأ هذا المقال المساهمة فى نشره أو على أقل تقدير

تحذير أقاربه والمحيطين به

http://www.sweetpoison.com/