السبت، 11 مايو، 2013

عايزين ايه تاتى.

عايزين ايه تاتى ؟
عايزين رئاسة .. خدتوها
عايزين وزارة .. خدتوها
عايزين الشورى .. خدتوه
عايزين ايه ؟
عايزين دستور .. خدتوه
كل حاجة انتو عليها مكوشين .. الوطنى اعاد نفسه من تانى او احنا اللى حضرنا عفريته يمسك البلد و مش عارفين نصرفه.ليه مش سايبين اى حاجة و طمعانين فى كل حاجة ؟.. رئاسة و حكومة و وزارات و مجالس و محافظين و محليات . ما هربش من بين مخالبكم غير حاجات بسيطة ، اﻻعﻻم الخاص و الصحافة و الجامعات و القضاء مع ان اﻻخير ده مش واثق فيه ﻻن هو اللى عرص عليكم و مازال.

ليه العداء ليه اﻹقصاء ليه الكراهية ليه الوﻻء و اﻻنتماء يبقى بس للجماعة . ياريت مصر كلها تبقى جماعة من غير اسامى او تصنيفات و ياريت نحاول ننسى اللى فات .

اصحى يا مرسى قبل ما يفوت اﻻوان قول للجماعة تسمع و تفهم و ماتعاندش .. قول للجماعة اننا ميهمناش مين الرئيس مين الوزير مين الغفير . احنا بس يهمنا نعيش ، عدل و كرامة يحكمونا بدل ما طول عمرنا دمنا رخيص ، احنا بس يهمنا ريس ليه عينين بيشوف اﻻتنين المؤيد و المعارض ريس ليه ودنين يسمع لدول و يسمع لدول و ميبقاش زى ما قالوا عليه دلدول.
ريس يعمل لنا قيمة و يرجع لمصر هيبتها اللى ضاعت يوم ماجيت . ميهمناش مين الرئيس المهم يكون رئيس .

...............................................................

هناك تعليق واحد:

Mostafa Shaban يقول...

منكم لله يا ارهابيين يا خرفان خليتم اسم مصر فى الحضيض يا ارهابيين يا قتله يا كدابين يا بهايم